ម្ពុជាប្រជាធិបតេយ្យ

ក្រុមមេដឹកនាំស្នូលរបស់បក្សកុម្មុយនិស្តកម្ពុជា បើតាមការសិក្សារបស់លោក សាស្សា (Sacha SHER)​នៅក្នុងសៀវភៅ “កម្ពុជារបស់ខ្មែរ​ក្រហម” ​ស្នូល​ដ៏រឹងមាំរបស់គណបក្សកុម្មុយ​និស្តកម្ពុជា គឺមានតែសមា​ជិក​ជាង១០នាក់​ប៉ុណ្ណោះ។ សមាជិកដេលស្ថិតនៅក្នុងគណះអចិន្ត្រៃយ៍នៃគណះមជ្ឈិមបក្ស ដែលក្នុង​នោះ​​​មាន សាឡុត ស (ប៉ុល ពត) ជាលេខា និងលេខារង គឺ នួន ជា។គណបក្សកុម្មុយនិស្តកម្ពុជា​ត្រូវ​បាន​ដឹក​​នាំជាសម្ងាត់ពីសំណាក់ ប៉ុល ពត។ នៅខែកញ្ញា ឆ្នាំ១៩៧៥ គណះកម្មាធិការ​មជ្ឈិម​បក្ស​កុម្មុយនិស្ត​កម្ពុជា​រួមមានសមាជិក ៧ រូប ប៉ុល ពត អតីតនិស្សិតផ្នែកវិទ្យុ និង អគ្គិសនីនៅទីក្រុងប៉ារីស មាន​តួ​ នាទី​​ ជាលេខាបក្សកុម្មុយនិស្តកម្ពុជាក្នុងឆ្នាំ១៩៦២និងជានាយករដ្ឋមន្ត្រីនៃរបបកម្ពុជាប្រជាធិបតេយ្យពីខែ ​មេ​សា ឆ្នាំ១៩៧៦ ដល់ ​​ ១៩៧៩ ។បើទោះបីនៅពេលខ្លះប៉ុលពត បានឈប់សម្រាកពីការ​ងារ​ ដោយមូល​ហេតុ​សុខភាពយ៉ាងណាក៏ដោយ ក៏ការដឹកនាំរដ្ឋាភិបាល និងការសម្រេចចិត្តគឺប៉ុល ពតជាអ្នក​មានសិទ្ធិ​អំណាចដដែល។ ប៉ុល ពត ស្លាប់នៅថ្ងៃទី ១៥ ខែ មេសា ឆ្នាំ ១៩៩៨ នៅក្នុងផ្ទះខ្ទមលើ​ខ្នងភ្នំដងរែក។ នួន ជា គឺជាអតីតនិស្សិតច្បាប់នៅទីក្រុងបាងកក​ និងជាអតីត​ សមាជិកគណបក្សកុម្មុយនិស្តថៃ។​ក្រោយ​​មក​គាត់ក្លាយជាបង ​​​​​​​ ​ធំ​​ទី២ នៃបក្សកុម្មុយនិស្តកម្ពុជាមានតួនាទីជាប្រធានសភាតំណាង​ ប្រជា​ជន​​​ក្នុងរបបកម្ពុជាប្រជាធិបតេយ្យ ហើយក្លាយជានាយករដ្ឋ​មន្ត្រី​​បណ្តោះ​អាសន្នមួយរយះពេលជំនួស ប៉ុល ពត នៅខែ កញ្ញា ឆ្នាំ១៩៧៦ ។​បច្ចុប្បន្នរស់នៅក្នុងតំបន់ប៉ៃលិន។ អៀង សារី អតីតនិស្សិត​ផ្នែក​វិទ្យាសាស្ត្រ​ នយោបាយនៅ​សាលា​ ស័របោន​(Sorbonne) ប្រទេសបារាំង មានតួនាទី ជាឧបនាយករដ្ឋ​មន្រ្តី​ និង ជារដ្ឋមន្ត្រី ក្រសួងការបរទេស នៃរបប កម្ពុជាប្រជាធិបតេយ្យ ​ពី ឆ្នាំ ១៩៧៥ ដល់ ១៩៧៩។ បច្ចុប្បន្ន អៀង សារី និង ប្រពន្ធរបស់​ គាត់​​ អៀង ធារិទ្ធ ឬ ខៀវ ធារិទ្ធ រស់នៅទីក្រុងប៉ៃលិន និងម្តងម្កាល​ ស្នាក់នៅទីក្រុងភ្នំពេញ។ សុន សេន អតីតនិស្សិតទស្សនវិជ្ជានៅសាលាស័របោន(Sorbonne)។​ នៅក្នុង​ អំឡុងតស៊ូវាយប្រឆាំងនិឹងរបបសាធារណរដ្ឋរបស់លន់នល់សុនសេនមានតួនាទីជាអគ្គមេបញ្ជាការ ​កងទ័ព ហើយក្រោយមកនៅ​ក្នុង​របបកម្ពុជាប្រជាធិបតេយ្យ សុន សេន មានតួនាទីជា​ឧបនាយក​រដ្ឋមន្ត្រី និងជារដ្ឋមន្រ្តីក្រសួងការពារជាតិនិងជាអ្នកទទួលខុសត្រូវខ្ពស់លើបញ្ហាសន្តិសុខរបស់កម្ពុជាប្រជាធិប ​តេយ្យ។​សុន សេន និង ក្រុមគ្រូសារ របស់ខ្លួនត្រូវបាន ប៉ុល ពត បញ្ជាអោយកងឈ្លបសម្លាប់នៅឆ្នាំ ១៩៩៧។
តាម៉ុក អតីតគ្រូបង្រៀនភាសាបាលី កាន់តួនាទីជាបន្តបន្ទាប់ពីប្រធាន​ភូមិភាគ​និរតី និងនៅខែមីនាឆ្នាំ ១៩៧៦ គាត់ត្រូវបានជ្រើសរើសអោយធ្វើជាអនុប្រធានសភាតំណាងប្រជាជននិងក្រោយមកជាអនុ​ ប្រធានទី២ នៃការិយាល័យអចិន្រ្តៃយ៍នៃគណះកម្មាធិការមជ្ឈិម​បក្សកុម្មុយនិស្ត​កម្ពុជា ជំនួស សោ ភឹម។ តាម៉ុក បានជាប់ឃុំឃាំងបណ្តោះអាសន្ននៅតុលាការយោធា​ពីខែ​មីនា​ ឆ្នាំ១៩៩៩ រហូតដល់​ថ្ងៃទី២១ ខែ​កក្កដា ឆ្នាំ២០០៦ ដែលជាកាលបរិច្ឆេទនៃការស្លាប់​របស់មេបញ្ជាការកំពូលកងទ័ពខ្មែរ​ក្រហមរូប​នេះ​។ ​សោ ភឹមអតីតខ្មែរឥស្សរះលេខាភូមិភាគបូព៌ាត្រូវបានចោទប្រកាន់ថាបានចូលរួមគំនិតក្នុងការប៉ុនប៉ងធ្វើ ​រដ្ឋប្រហារ បានបាញ់សម្លាប់​ខ្លួនឯង​នៅថ្ងៃទី ៣ ខែមិថុនា ឆ្នាំ១៩៧៨។