Thursday, July 22, 2010

សត្វក្អែកផ្លាស់កន្លែងរស់នៅ

សត្វក្អែកផ្លាស់កន្លែងរស់នៅ


មានក្អែកមួយក្បាល ប្រឹងហោះហើរពីទិសខាងត្បូងដើម្បីឆ្ពោះទៅកាន់ដែនដីទិសភាគខាងជើងដោយ
មិនឈប់សម្រាកដើម្បីនឹងទៅឲ្យផុតពីដែនដីកន្លែងរស់នៅបច្ចុប្បន្នឲ្យបានឆាប់រហ័ស តែមានអារម្មណ៍
ហត់នឿយទើបបន្ទាបខ្លួនចុះឈប់សម្រាកនៅព្រៃល្បោះមួយកន្លែង។​ សត្វសារិកាមួយក្បាល ដែលទុំ
នៅលើដើមឈើនោះមុន ឃើញសត្វក្អែកដកដង្ហើមយ៉ាងហត់នឿយ ទើបសួរទៅថាៈ-

“មើលទៅឯងហាក់ដូចជាប្រញាប់ប្រញាល់ណាស់ តើឯងប្រញាប់ធ្វើដំណើរទៅទីណាឫ?”។
“ខ្ញុំនឹងផ្លាស់ទីកន្លែងរស់នៅ” សត្វក្អែកឆ្លើយតប​។
“ព្រោះមានរឿងហេតុអ្វីឫ?” សត្វសារិកាសួរទៀត។

សត្វក្អែកទើបឆ្លើយដោយសេចក្តីតូចចិត្តតូចថ្លើមថា “មនុស្សម្នាដែលនៅខាងទិសភាគខាងត្បូងមិនចូល
ចិត្តសម្លេងដែលមិនពិរោះ ហើយនឹងនិស្ស័យរបស់ខ្ញុំៗ ទើបមិនអាចទ្រាំរស់នៅទីនោះតទៅទៀតបាន
ត្រូវតែផ្លាស់កន្លែងរស់នៅថ្មី”។

សត្វសារិកាទើបពោលថា “ពេលឯងផ្លាស់រត់គេចហើយ នឹងអាចកែបញ្ហាបានរឺ! ខ្ញុំឃើញថាទោះឯងនឹង
ផ្លាស់ទៅទីណា ក៏គ្មានប្រយោជន៍ មិនអាចជួយអ្វីឯងបានដែរ”។
“ម៉េចបានជា​ឯងដឹង?”

សត្វសារិកាទើបប្រាប់ថា “វាច្បាស់លាស់ក្រហមងាំងដូចព្រះអាទិត្យកណ្តាលថ្ងៃអញ្ចឹង ដរាបណាឯងមិន
ព្រមផ្លាស់សម្លេងស្រែក និង និស្ស័យពូកែលួចឆក់ មនុស្សម្នាដែលនៅទិសភាគខាងជើង ក៏នឹងស្អប់ខ្ពើម
ឯង ដូចជាមនុស្សម្នាដែលនៅទិសភាគខាងត្បូងយ៉ាងពិតប្រាកដ”។

***********រឿងនេះបង្រៀនឲ្យដឹងថា***************

មនុស្សយើងនឹងរស់នៅស្រុកភូមិប្រទេសណា ប្រសិនបើមិនចេះផ្លាស់ប្តូរចិត្តគំនិតឲ្យចូលជាមួយសង្គម
រមែងរស់នៅក្នុងសង្គមនោះបានយ៉ាងលំបាកលំបិនបំផុត។

0 comments:

Post a Comment

 
ឡើងទៅខាងលើទំព័រ ចុះទៅខាងក្រោមទំព័រ